Qeveria e Maqedonisë së Veriut sot organizoi takim me partnerët për të diskutuar stabilitetin e koalicionit qeveritar pas dorëheqjes së paralajmëruar nga kryeministri Zoran Zaev.
“Sot me ftesë të kryeministrit Zaev në Qeveri u zhvillua takim i përfaqësuesve të të gjithë partive politike që e përbëjnë shumicën parlamentare në Kuvend”, deklarojnë nga qeveria e Maqedonisë së Veriut, duke sqaruar që të gjithë partnerët morën pjesë.
Qeveria vlerësoi që “zgjedhjet e reja e fusin vendin në një krizë të re politike, ekomomike, shoqërore dhe të sigurisë, duke e ngadalësuar edhe procesin euro-integrues”.
“Shumica parlamentare është stabile dhe përgjegjëse për të ardhmen e shtetit dhe popullit. Së bashku u konstatua se Maqedonisë së Veriut dhe qytetarët të vendit nuk i nevojitet zgjedhjet e parakohshme parlamentare”, vlerësojnë nga qeveria, shkruan Alsat.
Zoran Zaev njoftoi dorëheqjen si kryeministër dhe nga drejtimi i partisë, pasi “LSDM” humbi shumicën e komunave në raundin e dytë të zgjedhjeve lokale të mbajtura dje në Maqedoninë e Veriut.
“VMRO DPMNE” kërkoi ndërkaq zgjedhje të parakohshme parlamentare, pasi ajo fitoi shumicën e komunave, madje edhe në disa shqiptare. Për herë të parë në 30 vite Shkupi do të drejtohet nga një grua, që fitoi si kandidate e pavarur.
