Partia Demokratike ka thirrur më 11 shkurt një protestë kundër qeverisë, duke kërkuar kështu largimin e kryeministrit Edi Rama, kjo edhe pas skandalit me McGonigal.
Deputetja e PD, Ina Zhupa ka zbuluar në Facebook edhe sloganin e protestës “…dorëheqja është detyrim”.
“Shqipërisë i dalim zot, pluralizimit, votës së lirë, demokracisë”, thuhet në sloganin që ka publikuar deputetja e PD.
“Në dritën e fakteve të forta: Duke parë se Edi Rama është gati të rekrutojë agjentë të lartë të partnerit strategjik, SHBA, për të zhdukur opozitën e vendit, pluralizmin, duke qenë se ai përben një turp dhe rrezik për stabilitetin e vendit, duke qenë se ai po e shpopullon Shqipërinë, duke qenë se ai rri në pushtet me zgjedhje të vjedhura, me para të krimit dhe patronazhistë, duke qenë se ai sipas KLSH ka vjedhur në 9 muaj 1.1 mld euro të shqiptarëve. Ju ftojmë të bashkoheni më 11 shkurt ora 12:00, t’i dalim zot Shqipërisë, pluralizimit, votës së lirë dhe demokracisë së vendit tonë”, shkruan ajo.
Discussion about this post