Rama hedh Engjëll Agaçin në gojën e SPAK, “dorëheqje” nga posti i Sekretarit të Përgjithshëm

Sekretari i përgjithshëm i Kryeministrisë, Engjëll Agaçi është larguar nga detyra pas plot 13 vitesh.

Në mbledhjen e sotme informale të ministrave, është komunikuar se për arsye shëndetësore Engjëll Agaçi tërhiqet nga posti si sekretar i përgjithshëm i Këshillit të Ministrave

Agaçi ka pasur telashe me drejtësinë edhe është thirrur në SPAK për disa çështje.

Pasuesja e tij në këtë post të rëndësishëm është Elsonida Rama, e cila aktualisht mban pozicionin e drejtoreshës së Kodifikimit në Ministrinë e Drejtësisë, si dhe është përfshirë në grupin e punës për hartimin e Kodit të ri Penal.

Më herët, Rama ka punuar gjithashtu në Kryeministri te drejtoria Juridike.

Prezantimi i saj para ministrave është bërë në mbledhjen e sotme.

Gjithashtu, shefe e re e kabintetit të kryeministrit Tama është Vilma Guri, e cila më parë ka qenë drejtoreshë e Dapartamentit të Administratës Publike.

Të 2 emrat janë prezantuar gjatë takimit 5 orësh të kryeministrit Rama me anëtarët e qeverisë.

Engjëll Agaçi para 1 viti është thirrur në SPAK është paraqitur në SPAK. Emri i Agaçit është i lidhur me aferën e inceneratorëve. Ai është akuzuar publikisht nga opozita, se ka kaluar për miratim në qeveri disa vendime për inceneratorët duke përfshirë edhe bonusin prej 8 pikësh për kompaninë koncensionare të inceneratorit të Tiranës. Së fundi, emri i Engjëll Agaçit u përfol edhe në emisionin ‘REPORT’ në RAI3, ku sipas medias italiane, vartësi i Kryeministrit Edi Rama ka qenë avokat i personave të lidhur me mafian.

“U thirra për inceneratorin e Tiranës. Mendoj se ky nuk duhet të përbëjë një lajm, të gjithë duhet të jemi në dispozicion dhe funksion të organeve të drejtësisë”, u shpreh sekretari i Përgjithshëm i Këshillit të Ministrave.

gijotina.com/