Dortmundi nuk i humb shpresat me Erling Haaland. Siç është publikuar nga Bild, klubi gjerman është i gatshëm të bëjë çdo gjë për të ,bajtur norvegjezin. Ata e dinë se klauzola e tyre e largimit për këtë verë – e llogaritur në 75 milionë – është e përballueshme për shumë klube, ndaj po përgatiten të bëjnë një përpjekje të konsiderueshme.
Ideja e Dortmundit është të bëjë gjithçka që është e mundur që ta mbajnë Haaland edhe për të paktën një vit. Kështu, norvegjezi do ta shihte kontratën e tij të përmirësuar në mënyrë dramatike. Konkretisht, ai do të dyfishonte pagën aktuale, duke shkuar nga 8 në 16 milionë në sezon. Norvegjezi do të bëhej futbollisti më i paguar në skuadër: një privilegj që aktualisht i përket Marco Reus, i cili fiton rreth 12 milionë në vit.
Përveç kësaj, sipas Bild, propozimi i Dortmundit do të shkonte paralelisht me “Puma”, e cila do të hynte në operacion me një kontratë të rëndësishme sponsorizimi.
Discussion about this post