Erling Haaland është një nga emrat më të kërkuar nga gjigantët e futbollit europian dhe ata pritet të paguajnë shifra stratosferike për kartonin e tij.
Një situatë shumë e vështirë kjo për gjermanët e Borussia Dortmund, të cilët duan të vazhdojnë ta kenë pjesë të tyre norvegjezin.
Duke folur për këtë çështje menaxheri i Dortmund Sebastian Kehl ka theksuar se ata do përpiqen që sulmuesi të mos largohet.
“Ne po përpiqemi ta bëjmë Haaland të ndiejë se Borussia Dortmund është ende një nga opsionet më të mira për të. Ai mund të zhvillohet më tej këtu, ndoshta ne ende mund ta bindim atë. Ne do të luftojmë për të, do të provojmë gjithçka,”- u shpreh ai për Bild.
Më tej Kehl shtoi se vendimi përfundimtar nuk është marrë ende, pasi në fund i takon Haaland që të zgjedhë, por që la të nënkuptohej se Dortmund duan ta kenë ende në radhët e tyre lojtarin.
“Vendimi nuk është marrë ende. Na duhet për një periudhë të gjatë kohore. Ndoshta edhe më gjatë se sa mendoni,”-shtoi ndër të tjera menaxheri i klubit gjerman./K.T/Gijotina.com
