Borussia Dortmund do të luajë në “Allianz Arena” këtë të shtunë, ku do të kërkojë të marrë një rezultat pozitiv për të ruajtur kryesimin në Bundesligë.
Një tjetër stimul për verdhezinjtë, është t’i prishin debutimin edhe ish-trajnerit, Thomas Tuchel, i cili do të ulet për herë të parë në stolin e Bayernit Mynihut, pikërisht në orën 18:30 të datës 1 prill.
“Kemi rikuperuar lojtarë si Kobel, Emre Can, Ozcan, Brandt, Adeyemi e Moukoko, të cilët janë gati të luajnë qoftë edhe nga fillimi. Ndërkohë nuk do të jenë në dispozicion Reyna e Meunier, ndërsa në dyshim është Schlotterbeck”, deklaroi Terziç.
Pas më shumë se një dekade, lufta për titullin kampion në Gjermani është më e hapur se kurrë, me Bayern, Borussia Dortmund e deri Union Berlin me Freiburg që garojnë për Meisterschale-n.
Discussion about this post