Dy antarët e grupit kriminal “Habilaj” Nezar Seiti dhe Armando Koçerri dolën sot para togave të zeza të Gjykatës së Krimeve të Rënda për të marrë masën e sigurisë. Nezar Seiti u la nën masën e sigurisë 20 dite heqje lirie, ndërsa Armando Koçerri u la në burg pa afat.
Gjykata e Krimeve të Rënda la në burg dy antarët e grupit kriminal“Habilaj” Nezar Seiti dhe Armando Koçerri të prangosur pak ditë më parë në Vlorë.
Relatorja, Liljana Baku, pavarësisht se la në fuqi kërkesën e Prokurorisë, vendosi për Nezar Seitit, masen e sigurise 20 dite heqje lirie. Këtë vendim kryetarja e arsyetoi me faktin se është kohë e mjaftueshme për të mbërritur nga Italia, pjesa tjetër e akteve, ku dyshohet se Seiti implikohet drejtpërdrejt si bashkepunëtor i ngushtë me kreun e këtij grupi, Moisi Habilaj. Emri i Nezar Seitit figuron edhe në përgjimet e sjella nga Italia dhe per 40 vjeçarin Seiti, Gjykata e Katanias ka kërkuar masën e arrestit që në date 29 korrik të këtij në kuadër të grupit kriminal shqiptaro-italian të narkoktrafikut. Tre javët në vijim do të jenë përcaktuese nëse Nezar Seiti do të ekstradohet apo do të vijojë të gjykohet në Shqipëri.
Të dy të arrestuarit, si Seiti edhe Koçerri, akuzohen për trafik narkotikësh e kryer në formë të grupit të strukuruar kriminal. Burime nga ABC News bëjme me dije se ata nuk kanë pranuar të flisnin para trupit gjykues, duke mbajtur qëndrim mohues përballë organit të akuzës.
Në nisje të seances, dy prokurorët e çështjes, Vladimir Mara dhe Dritan Prençi, kërkuar që gjyqi të zhvillohej me dyer të mbyllura, pasi aksioni për arretimin e personave të tjerët të implikuar në trafikun ndërkombëtar të drogës vijon ende.
Armando Koçerrit iu gjetën në banesën ku jetonte së bashku me familjen rreth 4 tonë kanabis sativa. Sasia e konsiderueshme e bimës narkotike dyshohet se i përket grupit kriminal të drejtuar nga vëllezërit Habilaj. Operacioni në Babicë u zhvillua mbrëmjen e së mërkurës. Ndërhyrja u krye pas një hetimi disamujor nga ana e Prokurorisë bazuar në disa informacione të dhëna nga Shërbimi Informativ Shtetëror.
https://www.youtube.com/watch?v=qNZ5UPjOQyE
