Në një kohë kur vëmendja ishte përqendruar tek Sali Berisha, nëse do të shkojë apo jo në SPAK, sipërmarrësi Fatmir Bektashi është paraqitur në ambientet e Prokurorisë Speciale, i cili akuzohet për korrupsion e pastrim parash në rastin e privatizimit të ish kompleksit Partizani.
Kështu, sipas procedurave, Bektashi duhet të paraqitet të hënën e parë dhe të tretë të muajit, siç e ka përcaktuar gjykata. Bektashi ka hyrë i vetëm në gjykatë.
Pasi qëndroi pak më shumë se 15 minuta, ai doli nga zyrat e SPAK, por nuk tha asnjë fjalë, teksa gazetarët i bënin pyetje. Në vend të përgjigjeve, Bektashi zgjodhi të heshtë.
Bektashi është me masë sigurie “detyrim paraqitje”, ashtu si edhe ish kryeministri Sali Berisha.
Discussion about this post