Draftin e mazhorancën për ish-spiunët, ish-kryeministri Sali Berisha e konsideron si një ligj që po bëhet vetëm kundër ish-Presidentit Meta. Në konferencën për gazetarët, Berisha e quajti atë ligji anti-Meta, ndërsa u shpreh se PD është dhe do të jetë për lustracionin. Më tej ai tha se kjo është një gjë e cila bazohet në një shpifje të qartë të hedhur poshtë nga vetë Meta.
“PD gjatë periudhave të saj në pushtet ka miratuar 2 ligje për lustracionin. Në praktikën, botërore dhe evropiane,. Ligjet e dekriminalizimit janë tjetër, të lustracionit janë tjerët. Në atë ligjin e lustracionit të PD përjashtonte nga funksionet publike të gjithë bashkëpunëtorët e Sigurimit të Shtetit, ky ligj u amendua nga socialist duke hequr komponentin lustracion. Për këtë PD në vitin 2008, miratoi në parlament ligjin e lustracionit, identik me atë që ishte. Përveç kësaj, PD miratoi në vitin 1995, ligjin për dënimin e krimeve kundër njerëzimit. Mbi bazën e këtij ligji në Shqipëri u dënuar 73 zyrtarë duke nisur nga presidenti. Ky ligj i dërguar nga PS në Gjykatën kushtetuese, u quajt kushtetues dhe është edhe sot në fuqi. Tani ne do të jemi për ligjin e lustracionit, atë që bën PS, ai duket se është një ligj që po ta quajmë ndryshe, ligji anti-Meta, por kjo është një gjë e cila bazohet në një shpifje të qartë të hedhur poshtë nga vetë autori, nga I cili akuzohet zoti Meta. Nëse PS është e gatshme të rikthejë ligjin e lustracionit, autoriteti i hapjes së dosjeve ekziston. Ne dijeninë time dekriminalizimi përgjegjës kryesor ka KQZ dhe prokuroritë sipas rasteve. Ligji për lustracionin, duhet të ketë një institucion të veçantë. Po jemi për lustracionin” – tha Berisha.
Discussion about this post