Tashmë Veliaj ka qepur gojën, dhe për këtë po pëllcet në mënyra të ndryshme. Ka frenuar çdo dalje publike në një kohë që shpulla që ka marrë nga Padrino ka ende shijen e fortë të dhunimit psikologjik. Rama i dha hapësirën për të larguar atë që s’deshte vetë ta bënte, por nuk i tha të pshurroste aq shumë mbi pushtetin, aq sa të dëgjonte prerë e qartë, UEFA-n: 10 vite pa futboll, dhe Finalja në një shtet tjetër…
E megjithatë, Veliajn nuk e lë “vesi” për të çuar deri në fund pastrimin e llumit. I është bërë m… kala’ në çdo aneks që prodhon përditshmëria e një kryeqyteti, teksa një kumuri tjetër po këndon. Nuk fle, dhe nervi i është shndërruar aq malinj, saqë ka shtuar dozën e presionit mbi gjyqësorin: Nuk kaloni Vettingun nëse nuk rrëzoni Rajonalet e Dukës! Në një mënyrë apo tjetër ky është mesazhi që ka përcjellë së fundmi nëpërmjet kanalit të tij avokator, për gjyqtarët që shortohen për të marrë në dorë fatet e delegatëve të zgjedhur. Veliaj ka shansin e fundit për të tentuar të bëjë NUL, për një arsye: Të bllokojë zgjedhjet e 2 marsit në futboll. Beteja e tij e jetës vazhdon, por kësaj radhe jo nëpërmjet shkarkimeve mediatike, por direkt nën rrogozë, dhe poshtë brezit. Me vete ka disa “snajpera” rilindas që dërgon lart e poshtë për të intimiduar gjyqësorin:
Ose bllokoni Dukën, ose në Vetting nuk kaloni kurrë!
Në këtë mënyrë shteti ka lënë retorikën dhe luftën me Dukën, por për Dukën ka nisur luftën me drejtësinë, duke kërcënuar hapur ata gjyqtarë që do t’i bjerë dhe u ka rënë për hise të merren me futbollin, për të ulur gjakrat e një njeriu që mund të ketë fituar çdo betejë elektorale, por ka ngecur keq në këtë kundër futbollit.
E kështu drejtësia mbetet hallka e fundit ku Veliaj beson e shpreson se mund të qetësojë ndërgjegjen e tij cinike për të tentuar të bllokojë një proces zgjedhor. Rruga ka mbetur vetëm urdhri politik me mesazhin e qartë: Nëse doni karrierën rrëzoni legjitimitetin e Rajonaleve. Kjo mund të krijojë një kaos, e këtu Veliaj me një skuadër avokatore të sprovuar në kauzat e sulmit presion-shtet mbi drejtësinë tenton edhe gurin e fundit. Në një mënyrë apo tjetër duket qartë që betejën e ka edhe me Ramën, dhe nëse Duka rizgjidhet për hetë të 6-të atëherë i ka dhënë një grusht tepër të fortë, në një fitore MARS! Megjithatë, tashmë sulmi frontal është spostuar në bllok te një pjesë e drejtësisë, te ata pak gjyqtarë. Tërbimi ka errësuar çdo arsye, teksa Lali gjendet në prag të pësimit të golit të tretë:
Një gol e pësoi pasi nuk pshurrosi dot në asamblenë e Tiranës
Një gol pas ardhjes së Ceferin
Dhe tashmë ka golin e tretë: Të zgjedhjeve në 2 mars
Me një rezultat 0-3, dhe me një rival si UEFA përballë, rrezikon, të katërtin, të pestin, por rrezikon ndjeshëm edhe Belindën në skrivaninë e tij, vitin e ardhshëm…
Discussion about this post