Pasi selia blu publikoi pamjet ku dukej ish-kryeministri Sali Berisha teksa bënte me dorë nga turma e mbështetësve të tij në protestën e 8 janarit, ai vetë ka sqaruar si qëndron e vërteta sipas tij.
Nga ambientet jashtë Prokurorisë së Tiranës, Berisha tha para mediave se kishte ftuar demokratët që të hynin brenda në oborrin e PD-së, pasi disa ishin ende në rrugë. Ky sipas tij ka qenë shenja e vetme që ka bërë, ndonëse në videot e publikuara nuk dukej tamam kështu.
“Për çfarë bëra unë me dorë? Iu thoja që të vinin, të hynin se ishin në rrugë. Ata duhet të bashkoheshin të vinin brenda, se i ndante gardhi dhe dera. Pe ti me ndonjë tra në krah? Kishte vetëm me shkallë, por jo me tra”, tha Berisha.
Më herët, ai bëri akuza të forta për Lulzim Bashën teksa tha se në protestën e 8 janarit ka pasur persona të armatosur në seli dhe se ka pasur prej tyre që i kanë fotografuar.
Discussion about this post