Policia Rrugore e Tiranës ka goditur një tjetër rast i drejtimit të automjetit, nën efektin e lëndëve narkotike. Shërbimet e Policisë Rrugore, në vijim të kontrolleve për evidentimin dhe ndëshkimin e drejtuesve të automjeteve që shkelin rregullat e qarkullimit rrugor apo drejtojnë automjetet, në mënyrë të parregullt, arrestuan në flagrancë, për veprën penale “Drejtimi i automjeteve në mënyrë të parregullt”, 26-vjeçarin me inicialet A. D., pasi u kap duke drejtuar automjetin, nën efektin e lëndëve narkotike.
Me rastin e sotëm, policia njofton se ka shkuar në 45 numri i drejtuesve të automjeteve që kanë rezultuar nën efektin e drogave, pas testimit me aparatin AquilaScan.
Materialet i kaluan Prokurorisë, për veprime të mëtejshme procedurale.
Discussion about this post