Në protestën e banorëve të Rinasit është bashkuar edhe drejtoresha e shkollës. Ajon shprehet se prej dy ditësh pjesa më e madhe e nxënësve mungojnë në mësim, madje ditën e sotme kanë qenë në shkollë vetëm 8 nxënës dhe 2 fëmijë në kopsht. Ajo shprehet se është krah banorëve, pasi mësimi është një nevojë që nuk i duhet hequr fëmijëve për asnjë arsye.
“Nuk na ka pyetur njeri. Sot kishim në mësim 8 nxënës, te kopshti 2. Unë jam krah banorëve, këta banorë më kanë përkrahur për çdo gjë që kam bërë”, tha ajo.
Në protestë sot janë mbledhur më shumë fëmijë, të cilët brohorasin se duan të shkojnë në shkollë. Ndërsa banorët shprehen se nuk do të dorëzohen, pasi bllokimi i rrugës po iu shkakton dëme të mëdha.
Discussion about this post