Pasi ikën një palë drejtorë si rrjedhojë e hetimeve të SPAK, Veliaj ka emëruar të tjerë për të mbaruar punë me tenderët. Një nga këta është Herion Rrapaj, drejtor i Drejtorisë së Përgjithshme të Rrugëve dhe Ndriçimit. Në rastin konkret ka firmosur një tender 260 milionë lekë. Sado që të thotë kryetari i bashkisë se “nuk di gjë ç’a bëjnë drejtorët”, këto lekë nuk lëvizin pa ndonjë miratim paraprak prej tij. Këto lekë do të dalin duke justifikuar blerjen e ca kamionçinave të vjetra.
Kështu, drejtori ka krijuar tenderin me objekt ‘Blerje mjete transporti’. Do të blihen kamionçina, ekskavator, minivinça të përdorur, prodhimi i vitit 2011 dhe për 7 mjete të tilla janë dhënë 260 milionë lekë.
Po të hedhësh një sy në treg, mjete të tilla madje të prodhimit më të fundit, kushtojnë si më poshtë, më i shtrenjti 21 milionë lekë.
Por, në total me plus-minus, blerja e këtyre automjeteve mund të kushtojë 150 milionë lekë. Ndërsa Bejko ka vënë në dispozicion 100 milionë lekë më tepër.
Sikur të mos mjaftonte manipulimi në përllogaritjen e fondit limit, Rrapaj ka vazhduar porosinë e Veliajt deri në përcaktimin fitues të një kompanie të favorizuar. Kontrata i është dhuruar firmës .
“AZ Trading” sh.p.k, pasi ishte e vetmja që kishte paraqitur një ofertë. Kjo sigurisht nuk e justifikon drejtorin, pasi duhej që procedura të anulohej.
Në fakt, gjithmonë e më shumë pushtetarët e shmangin këtë rregull të prokurimeve, duke mos garantuar konkurrencë dhe oferta të përshtatshme dhe duke dëmtuar buxhetin e shtetit.
Open Data Albania i ka vendosur tenderit ‘Flamurin e Kuq’, që tregon riskun e korrupsionit.
Kjo është edhe një shenjë për SPAK që të hetojë, pavarësisht se Agjencia e Prokurimeve i kalon këto lloj kontratash.
Përfituesi i këtij prokurimi është Eno Veshi, pronari i “AZ Trading”, e krijuar në vitin 2018 dhe për një kohë të shkurtër ka marrë 31 kontrata publike kryesisht nga bashkia Tiranë. Eno Veshi ka marrë veçanërisht tendera me “Flamur të kuq” nga drejtori i mëparshëm i kësaj drejtorie, Erindi Bejko dhe nga “Eco Albania”. Pra, favorizimi që i është bërë Eno Veshajt nga Erion Veliaj është i vazhdueshëm dhe i qëndrueshëm, pavarësisht se cili i firmos tenderat.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016
Discussion about this post