Drejtori i FK Kukësi reagon në lidhje me zërat për shitjen e klubit: Plani ynë është që…

Në ditët e fundit janë shtuar zërat për një shitje të mundshme të klubit të Kukësit, nisur edhe nga ajo që ndodhi me presidentin Safet Gjici, i cili dha dorëheqjen nga drejtimi i bashkisë.

Aktualisht klubi është në pronësinë e familjes Gjici, që zotëron 87.5% të aksioneve. Administrator është Lavdrim Gjici, vëllai i Safet Gjicit, ndërsa 12.5 % të aksioneve zotëron nga biznesmeni Marsel Braka. Në lidhje me të ardhmen e Kukësit dhe zërat e fundit për shitje të aksioneve, ekskluzivisht për “Panorama Sport” ka folur drejtori aktual i klubit, Naim Halili, i cili ka sqaruar gjithçka ka të bëjë me vazhdimësinë.

“Duke marrë shkas nga ato që përfliten në ditët e fundit, ju bëj me dije se klubi i Kukësit nuk ka dalë në shitje. Klubi do të vazhdoj të jetë në administrimin e drejtuesve aktualë dhe familjes Gjici. Aktualisht jemi duke punuar për merkaton. Nuk do të blejmë emra të mëdhenj, por synojmë që së shpejti të shesim emra të mëdhenj”, është shprehur Halili./PanoramaSport