Policia ka ndërmarrë një aksion kundër vjedhjes së energjisë elektrike në vend ku janë zbuluar 48 raste të tilla. Drejtori i Policisë së Rendit Publik në Policinë e Shtetit Ylli Vasili deklaroi se janë arrestuar 12 persona ndërkohë që janë shpallur në kërkim 3 të tjerë. Për 33 qytetarë të kapur në shkelje kanë nisur një hetim në gjendje të lirë, ndërkohë që po hetohen për shpërdorim detyre edhe 3 punonjës të OSHEE.
Vasili ka bërë një bilanc të kontrolleve që prej datës 14 tetor e deri më sot, ku janë zbuluar 237 raste të vjedhjes së energjisë elektrike nga banesa të ndryshme. 58 prej tyre janë arrestuar ndërkohë që 130 po hetohen në gjendje të lirë.
Të arrestuarit
Në Tiranë janë arrestuar në flagrancë 6 shtetas, janë proceduar penalisht 2 shtetas dhe janë shpallur në kërkim 2 shtetas të tjerë. Gjithashtu janë kapur 3 shtetas të shpallur në kërkim më parë.
Në Vlorë janë arrestuar në flagrancë 2 persona dhe është vënë në hetim 1 tjetër.
Në Lezhë është arrestuar në flagrancë 1 person dhe janë vënë në hetim 6 persona të tjerë.
Në Berat është arrestuar në flagrancë 1 person.
Në Shkodër janë proceduar penalisht 16 persona.
Në Gjirokastër janë proceduar penalisht 4 persona.
Në Durrës është proceduar penalisht 1 person dhe është shpallur në kërkim 1 tjetër.
Në Dibër është proceduar penalisht 1 person.
Discussion about this post