Ish-kreu i kadastrës së Vlorës, Klodian Troci është lënë në burg nga Gjykata e Shkallës së Parë Vlorë.
Seanca gjyqësore për Trocin është zhvilluar me dyer të mbyllura, ku në përfundim të saj është lënë në fuqi vendimi i Prokurorisë së Vlorës. Mbi ish-drejtorin rëndojnë akuzat e “Falsifikim i dokumentave” dhe “Shpërdorim detyre”. Ai gjithashtu dyshohet si organizator kryesor i grabitjes së pak ditëve më parë, ku në arkivin e Këshillit të Qarkut, u morën disa dokumente të pronave në bregdetit.
Dokumentet e marra ishin pikërisht të lidhura me pronat në Dhërmi, për të cilat janë përfshirë Klodian Troci, Bardhyl Gjika, Spiro Duni dhe Kreshnik Mino. Fillimisht u raportua se ngjarja ndodhi rreth mesnatës, ku një person i maskuar e i armatosur mbajti peng rojën për 30 minuta e më pas mori dokumentet e u largua. Policia gjatë hetimeve konfirmoi se grabitësi ishte ndihmuar nga punonjës të zyrës, për shkak se nuk pati rrëmujë të shkaktuar, por dyshimet u shtuan edhe më tej, pasi u morën vetëm disa dokumente të caktuara. E gjitha kjo u inskenua nga Bardhyl Gjika me detyrë drejtor i Administrimit të Mbrojtjes së tokës. Në një deklaratë për mediat, Gjika tregoi gjithçka kishte dijeni mbi këtë ngjarje, por pa e ditur se pak orë më pas ai do të arrestohej nga policia si personi që inskenoi gjithë ngjarjen.
Lidhja e Trocit me Gjikën dhe të arrestuarit e tjerë, është pasi ata punonin në grup duke falsifikuar dokumentacionet e pronave kundrejt përfitimit të vlerave të mëdha monetare.
