Lionel Messi dhe Ronaldinho janë bashkuar para ndeshjes së PSG-së me Leipzig, e cila u fitua nga parisienët me rezultatin 3-2.
Legjendat e Amerikës së Jugut u përqafuan para kësaj sfide dhe duket se ka qenë ish-shoku i skuadrës te Barcelona që i dha fat Messit në realizimin e dy golave.
Messi, në veçanti, dukej sikur po përshëndeste një mik të zhdukur për dekada të tëra, ndërsa mbështillte krahët rreth brazilianit.
41-vjeçari më pas u largua me një nga buzëqeshjet e tij karakteristike të mëdha. Pas fillimit të ndeshjes, Messi nuk ishte shumë i kënaqur deri në magjinë e tij në pjesën e dytë.
Golat që realizoi me siguri i ngritën humorin si atij vetë ashtu edhe Mauricio Pochettinos, pas pikëpyetjeve mbi ndikimin e tij deri më tani.
Pavarësisht se ishte drejt një hat-trick, Messi lejoi Mbappen të merrte goditjen e dytë të penalltisë të PSG-së të natës-por superylli francez e humbi atë.
PSG-ja është një pikë larg Manchester City-t, pavarësisht se njerëzit e Pep Guardiolës triumfuan me rezultatin 5-1 në Club Brugge.
Rikujtojmë që argjentinasi, një ikonë e Barcelonës deri sa u bashkua me PSG këtë verë, dhe braziliani, qëndruan bashkë në ‘Camp Nou’ nga 2004-2008, me Messin që në fund mori numrin e Ronaldinhos. Barcelona fitoi dy herë La Ligën dhe Champions League gjatë asaj periudhe.
Ndërsa vizita që braziliani i bëri Messit si duket ishte një formë mbështetjeje ndaj këtij të fundit në një kur kishte shumë nevojë dhe rezultati më pas ishte i dukshëm./K.T/Gijotina.com
