Dy ditë më parë filloi edicioni i dytë i spektaklit të “Big Brother VIP”. Një prej konkurentëve që merr pjesë është dhe aktori i njohur Amos Zaharia, i cili është njëkohësisht dhe djali i artistes së madhe Yllka Mujo. Mesa duket Amosi është përshtatur shpejt me ambientin dhe banorët dhe pa asnjë lloj kompleksi ka ndarë një histori personale në lidhje me betejën e tij me ankthin.
“Unë kam pasur periudha në jetën time, sidomos pas adoleshencës, që për të shkuar nga pika A në pikën B, vetëm rrugën që duhet të bëja, dridhesha kur dilja nga shtëpia, më beso”, rrëfeu aktori.
Më tej Amos tregoi se ankthi e detyronte që të mos bënte kontakt me sy me njerëzit, madje as me nënën e tij.
“Në një periudhë për shembull, e kisha shumë të vështirë të krijoja kontakt me sy me njerëzit, më kapte një ankth i jashtëzakonshëm, me çfarëdo lloj personi, edhe me nënën time, e shikoja në sy dhe kisha një ankth, një gjendje shumë të keqe”.
Amosi u shpreh se është shumë e rëndësishme që të përballesh me frikërat dhe të mos i shmangesh problemeve, sepse sa më shumë u ikim atyre, aq të mëdha bëhen.
“Por një gjë e kam kuptuar, për t’u shpëtuar ilaçeve. Aty ku është frika jote, aty është edhe detyra jote. Përballu në mënyrë të ndërgjegjshme me problemet e tua, me frikën. Dili përpara gogolit! Sa herë që i shmangesh një problemi, aq më i madh bëhet”, përmbylli historinë aktori.
Discussion about this post