Dritan Leli duket se ka kopjuar kryebashkiakun e Tiranës Erion Veliaj, kur vjen puna tek tenderët.
Në një vëzhgim të bërë nga Gijotina.com rezulton se Bashkia Vlora ka dhënë një tender pa garë, ku ka marrë pjesë vetëm një kompani e cila detyrimisht u shpall fituese.
Konkretisht Ndërmarrja e Shërbimeve Publike Vlorë ka hapur tenderin për mirëmbajtjen e hidrovorit.
Open data e ka cilësuar tenderin e Lelit të dyshimtë duke i vendosur flamurin e kuq. Me sa duket, Vlora nuk ka asnjë kompani e cila do të zgjidhte këtë problem. Kështu që Leli ka zgjedhur firmën “SARK” shpk, e cila është e vendosur në qytetin e Fierit.
Marrja pjesë në konkurs e vetëm një kompanie shton dyshimet se kemi të bëjmë me një tender të paracaktuar.
Fondi limit është 12 milionë e 500 mijë lekë(të vjetra), ndërsa kompania fituese ka ofruar 11 milionë e 550 mijë lekë(të vjetra). Kjo gjë është krejtësisht e dyshimtë pasi sado e lartë të ishte oferta e kompanisë në fjalë, ajo do të pranohej pasi ishte e vetmja.
Në tender përfshihen tubo, pompa, kapakë, salvavida, siguresa dhe disa mjete të tjera të cilat pritet t’i japin zgjidhje probleme në hidrovorin e qytetit.
Ajo që mund të themi është se Leli ka kopjuar 100% “mikun” e tij Erion Veliaj, ky i fundit një mjeshtër i tenderëve të paracaktuar.
Discussion about this post