Pavarësisht se policia ka mbyllur hetimet duke thënë se Ilvi Meta u vetëvar në burgun e Kavajës, familjarët e të ndjerit hedhin dyshime mbi shkaqet e vërteta të vdekjes. Djali i xhaxhait të viktimës Ilvi Meta, thotë se ai nuk beson që kushëriri të ketë vrarë veten, pasi e ka vizituar dhe nuk ka vënë re asnjë sjelle degresive apo shqetësim te Ilvi. Meta shprehet se në fytyrën e të riut nuk ka shenja dhune, ndërkohë që familja nuk është lejuar të shohë trupin e të riut përpara kryerjes së autopsisë.
“Dritaret të larta, 3 metra nuk arrin të varesh me lidhësen e bluzës. Fytyra e bardhë nuk ka shenja dhune ndërsa në trup nuk e shohin se është bërë autopsia. Urdhër arresti për vjedhje para 1 muaji por nuk e kanë njoftuar e detyronin të pranonte. Nuk është njoftuar familja. Nuk i kanë njoftuar për dërgimin në morg dhe nuk i kanë lejuar ti shohin trupin para autopsisë i ka penguar policia. Nuk u është dhënë informacion familjare”, është shprehur djali i xhaxhait të Ilvi Metës. Akuza të forta hodhi më herët dhe babai i viktimës, i cili tha se është e pamundur që djali i tij të jetë vetëvarur me lidhësen e bluzës, siç edhe pretendoi policia.
Kujtojmë se, pasditen e djeshme i riu Ilvi Meta gjeti vdekjen ne ambientet e Komisariatit. Ai dyshohet se kreu vetëvrasje me lidhësen e kapuçit të xhupit sportiv. Meta ishte arrestuar pak orë para ngjarjes pasi gjykata kishte vendosur në mungesë arrest me burg për akuzën e vjedhjes.
Discussion about this post