Më në fund nxënësit e shkollës “Rexhë Deliu” në Rinas janë rikthyer në shkollë pas disa ditësh pa mësim për shkak të bllokimit të rrugës me dy drejtime.
Çeshtja ka marrë zgjidhje pas rihapjes së rrugës që u bë nga njoftimi i ARRSH-së, duke kthyer nxënësit në bankat e shkollës. Mësuesit deklaruan ditën e sotme para njoftimit të protestës se vetëm 6 nxënës kishin ardhur dhe ata që kishin shtëpinë afër me shkollën. Ata shtuan se dhe nxënës të tjerë nuk kanë ardhur sepse mungonin shokët dhe shoqet në mësim
Banorët e Rinasit protestuan për të katërtën ditë radhazi, së bashku me fëmijët e tyre duke paralajmëruar bojkotim të mësimit për shkak se me zgjatjen e rrugës për në shkollë rriten edhe shpenzimet financiare.
ARRSH-ja ka bërë me dije se qarkullimi do të vijojë me dy drejtime deri në gjendjen e një zgjidhjeje përfundimtare për devijimin e trafikut në zonë.
Discussion about this post