Një i ri shqiptar ka rënë në prangat e policisë italiane, pasi u ndalua teksa ishte nisur për të shitur drogë. Sipas mediave vendase, 21-vjeçari, identiteti i të cilit ende nuk bëhet me dije, u ndalua ndërsa shoqërohej në makinë me një të mitur 17 vjeç dhe një tjetër italian.
Droga në posedim të shoferit 21-vjeçar ishte e mbështjellë me një figurë “aliene” magjepsëse dhe fjalët “Alien og”.
Të rinjtë u ndalën në një postbllok në Viale Stucchi, ku gjatë kontrolloit u gjet lënda narkotike.
I riu shqiptar i ditëlindjes 2001 jetonte ilegalisht në Itali dhe iu gjet në çantën e shpinës qesja me 4 doza hashash, me peshë totale rreth 380 gramë, dhe 200 euro, të ndara në kartëmonedha me prerje të vogël.
Droga ishte e paketuar në 4 pako, me peshë rreth 95 gram secila, e mbushur me celofan transparent dhe ngjitës. I arrestuar pasi ka pranuar fajin është dënuar me 1 vit e 10 muaj burgim dhe 1500 euro gjobë.
Dy pasagjerët e tjerë ishin 17-vjeçari, po shqiptar, i cili u dërgua në shtëpinë e nënës së tij dhe italiani 31 vjeç, të cilit iu gjet në portofol 1 mbështjellës celofani me rreth 0.4 gramë kokainë dhe u sanksionua për përdorim personal.
Discussion about this post