Tre persona kanë rënë në prangat e policisë së Lezhës.
Sipas policisë një 20-vjeçar banues në Kurbin është arrestuar pasi në vendin e quajtur “Kryqëzimi i Shëngjinit “, forca e posaçme “Shqiponja” gjatë kontrollit të ushtruar në automjetin në të cilin i riu ishte pasagjer, në çantën e tij ka gjetur dhe sekuestruar doza me lëndë narkotike cannabis sativa.
Ndërkohë në Kurbin, efektivët e policisë arrestuan në flagrancë personin e identifikuar me iniciale M.P., 41 vjeç, banues Fushë Mamurras, Kurbin pasi në banesë, ka ushtruar dhunë fizike ndaj bashkëshortes së tij, L.P.
Policia jep detaje se në pranga ka rënë edhe një person i identifikuar me iniciale F.M., 18 vjeç, banues në Mirditë, pasi në hyrje të Rrëshenit duke drejtuar automjetin tip “Audi” , ka humbur kontrollin duke goditur automjetin tip “Fiat” , ku për pasojë kanë marrë dëmtime personat e identifikuar P.P., dhe L.P. dhe T.M.
