Eduart Dauti, 51- vjeç administratori i firmës “Alba Exotic Fruit”, është arrestuar sot nga policia në Tiranë.
Dauti ishte në kërkim, pasi akuzohet se ka “gisht” në sasinë e drogës të kapur në Portin e Durrësit në një kontejner që i përket firmës “Alba Exotic Fruit”.
Arrestimi i 51- vjeçarit është bërë në kuadër të operacionit të koduar “Rada” dhe pritet të përballet me akuzën për veprat penale “Prodhimi dhe shitja e narkotikëve” kryer në bashkëpunim, “Grupi i strukturuar kriminal” dhe “Kryerja e veprave penale nga organizata kriminale dhe grup i strukturuar kriminal”.
Ngarkesa e fundit me kokinë e “Alba Exotic Fruit” ra në rrjetat e policisë me 12 tetornë portin e Durrësit. Në një nga kontejnerët që vinte për llogari të firmës “Alba Exotic Fruit”, është kapur një sasi prej 10 kilogramë e 185 gramë kokainë. Kujtojmë se kjo është e gjashta herë që në kontejnerët e kësaj kompanie gjendet kokainë. Hera e pestë ishte më 7 shtator, ku u kapën rreth 7.7 kg kokainë e ndarë në 8 pako. Saga nuk ndalet me kaq pasi më datë 26 dhe 29 korrik u gjetën sasira 5 deri në 7 kg kokainë te pjesa e ventilimit, dhe po ashtu edhe më datë 12.10.21. Kujtojmë se në vitin 2019 kësaj firme iu kap në Greqi në portin e Pireut një ngarkesë prej 137 kg kokainë që si destinacion final kishte portin e Durrësit. Në atë kohë kokaina u zëvendësua me oriz nga DEA amerikane.
Discussion about this post