Reperi 24-vjeçar grek dhe shoku i tij 30-vjeçar, të cilët akuzohen për përdhunimin në grup të një 19-vjeçareje shqiptare në Rethymno kanë kërkuar falje.
Protothema shkruan se për 24-vjeçarin dhe 30-vjeçarin që u arrestuan në portin e Heraklionit ka pasur një mosmarrëveshje mes hetuesit dhe prokurorit.
Prokurori ka qenë i mendimit që të dy duhet të lihen në burg, ndërsa hetuesi të lirohen me masa të rrepta. Siç e parashikon ligji në raste të tilla, vendimi do të merret nga këshilli gjyqësor kompetent i cili do të thirret për të vendosur brenda ditëve në vijim.
Si ndodhi ngjarja?
Ngjarja ka ndodhur në Rethymno të Kretës. E reja ka denoncuar në nëndrejtorinë e Sigurimit të Rethymnon se është përdhunuar nga disa persona. Ajo ka treguar se ka qenë duke u argëtuar në një klub të njohur në këtë zonë, ku këndonte reperi.
Më pas një bashkëpunetor i tij e ka marrë në gjendje të dehur dhe e ka çuar në hotel në orët e para të së hënës. Aty, 23-vjeçari i ka ofruar një sasi kanabisi, duke bërë që vajza të humbasë kontrollin. Pak më vonë, reperi 24-vjeçar ka mbërritur në dhomë së bashku me një 30-vjeçar me origjinë shqiptare, i cili sipas denoncueses e ka përdhunuar në grup.
Kur pak më vonë e kuptoi se çfarë kishte ndodhur, e reja njoftoi disa nga miqtë e saj dhe ata shkuan në Polici.
Discussion about this post