Nëse është dikush që vazhdon të na bëjë krenarë nëpër botë dhe s’resht kurrë së arrituri gjëra të mëdha, ajo është Dua Lipa.
Madje, të gjithë e duam më shumë për faktin që ajo nuk e harron kurrë origjinën e saj dhe i tregon botës me krenari rrënjët nga të cilat ka ardhur.
Por Dua nuk mjaftohet me kaq.
Së fundmi, ylli i muzikës ka dhënjë një intervistë për prestigjozen “Financial Times” ku ka folur ndër të tjera për lidhjen e ngushtë me Shqipërinë. Kur ajo u pyet për vendin që mezi pret të kthehet për ta vizituar sërish, ajo përmendi Shqipërinë.
“Një vend ku mezi pres të kthehem është Jugu i Shqipërisë. Isha për dy javë verën e kaluar dhe bukuria atje është e pakrahasueshme. Uji është i njëjtë me Greqinë, dhe ushqimi është i mahnitshëm. Po përpiqem të nxis sa më shumë njerëz të shkojnë në Shqipëri dhe Kosovë sepse dua të ndryshoj këndvështrimin e tyre për këto vende”, ka thënë Dua.
Rikujtojmë se edhe më herët Dua Lipa ka folur për vendin e veçantë që Tirana ka në zemrën e saj.
Këngëtarja gjithashtu shprehet se Tirana ka një vend shumë të veçant në zemrën e saj.
“Kryeqyteti Evropian i Rinisë. Tirana mban një vend special në zemrën time, jo vetëm prej rrënjëve të mia shqiptare, por gjithashtu dhe për atmosferën pozitive dhe energjinë e mrekullueshme. Tirana është si një shtëpi për mua dhe dua që e gjithë bota ta dijë. Kjo është një mundësi e mirë për t’i treguar Evropës talentin dhe potencialin e rinisë shqiptare. Paçi fat me organizimin e mbi 1000 aktiviteteve në Tiranë dhe jam e sigurt që secila prej tyre do jetë një sukses. Mezi pres të jem aty me ju me miqtë e mi dhe të bashkohemi në festën tuaj, por deri atëherë ju dërgoj shumë puthje”, shprehet ajo.
Discussion about this post