Ajo është një ndër artistet që po korr suksese të njëpasnjëshme në industrinë e muzikës botërore.
Është fjala për këngëtaren e famshme shqiptare, Dua Lipa, e cila publikoi albumin e saj debutues në vitin 2017.
28-vjeçarja pranoi se është lodhur shumë gjatë periudhës së promovimit kështu që u zotua të mos e linte më kurrë veten në atë situatë.
Lipa ka dhënë së fundmi një intervistë për KISS FM dhe ka zbuluar se është e ‘mërzitur gjatë gjithë kohës’ kur është bërë e famshme për herë të parë. Ajo tha se kur filloi për herë të parë, kishte kaq shumë fotosesione, udhëtime, shfaqje.
Gjithashtu Dua tregon se nuk donte që të humbiste asnjë mundësi, veçanërisht në Amerikë. Ndër të tjera këngëtarja tregoi sakrificat që ajo duhej të kalonte për të tu bërë një “yll”.
“Shumë kohë, më duhej të ngrihesha dhe të performoja dhe për një shfaqje amerikane, kisha 30 minuta para se të fillonim regjistrimin, thjesht të përpiqesha të kuptoja një rutinë, të kërceja, të performoja dhe ta bëja atë gjë.
Nëse mundem, unë do ta kisha ndryshuar plotësisht këtë. Kur bëra albumin tim të fundit, kurrë nuk doja ta kaloja atë përsëri”, tha ylli i muzikës.
Discussion about this post