Që kur doli vaksina kundër Covid-19, qytetarë të ndryshëm ngritën teori konspirative se kjo vaksinë bëhet për të vendosur çipa tek njerëzit, me qëllim që t’i kontrollojnë. Por të menjëhershme ishin reagim zyrtare të qeveritarëve, të cilët deklaruan se nuk kishte asgjë të vërtetë dhe e gjitha ishte një teori mashtruese. Këtij debati nuk i shpëtoi as Shqipëria, ku konspiracionisti Alfred Çako deklaronte se përflitet në lidhje me instalimin e një çipi në trupin e çdo njeriu përmes vaksinës së koronavirusit.
“Kontrolli do të bëhet përmes një çipi, një antene të vogël prej kobalti që do të na e vendosin në trup. I gjithë organizmi do të bëhet përmes një kompjuteri qendror në Belgjikë, i cili përmes 5G-së dhe satelitëve do të jepen komandat. Ne s’do të kemi detyrë të mbajnë pasaportë apo kartë krediti. Pagesat dhe gjithçka do të bëhen në mënyrë elektronike përmes mikroçipit”, shprehej Çako në qershor të vitit 2020 gjatë një interviste televizive, duke theksuar se edhe vaksinat do të jenë nanoteknologjike.
Kjo teori u hodh poshtë vetëm në prag të fillimit të vitit shkollor, në muajin gusht nga Kryeministri Rama, i cili i cilësoi delirantë ata që ngrinin teori të tilla. “Pa llogaritur kompetentët e FB, që flasin për çipa, që do ju përgjojnë ku do shkojnë, çfarë do bëjnë, që janë fantazi e çmendur”, tha Rama në atë kohë.
Por një vit më vonë, duket se çipat nëpërmjet vaksinës po bëhen fakt, megjithëse autoritetet pretendojnë se ato janë për të njohur të vaksinuarit. Konkretisht, gjashtë mijë suedezë e kanë certifikatën e tyre të vaksinimit në trup nëpërmjet një çipi. “France 24” raporton se kjo është bërë nga një kompani, e cila nëpërmjet teknologjisë së evancuar ka mundësuar implantin e çipave nën lëkurën e qytetarëve që kanë pranuar ta mbajnë përherë me vete certifikatën e tyre të vaksinimit.
Kompania “Epicenter”, një startup me bazë në Stokholm, ka perfeksionuar mikroçipin, madhësia e të cilit nuk e kalon kokrrën e orizit. Mikroçipi vendoset nën lëkurë dhe mund të “lexohet” nga një telefon inteligjent. Drejtuesit e kompanisë duan aplikimin e gjerë të kësaj teknologjie duke e zgjeruar praktikën edhe për kryerjen e pagesave nëpërmjet kartës së kreditit pa kontakt. Por tashmë mbetet pikëpyetje e madhe për konspiracionistët, nëse kishin të drejtë plotësisht apo pjesërisht, pasi duket qartë se deklarata e Kryeministrit Rama në atë kohë ishte mashtrim. Gijotina.com
Discussion about this post