Banorët e Divjakës po protestojnë prej ditësh. Ata kundërshtojnë vendosjen e një trau që të çon në zonën e Parkut të Karavastasë. Edhe sot, protestuesit janë mbledhur për t’i thënë jo vendosjes së një blloku që do të caktonte një tarifë për të hyrë brenda.
Me banderola të ndryshme që mbajnë në duar, banorët njëzëri thanë se janë të vendosur që t’i shkojnë deri në fund kauzës së tyre. Kreu i PD-së për Divjakën, Eduard Sharka tha se trau është vendosur në mënyrë të paligjshme.
“Ai park i mban të gjallë, me oksigjen. I vetmi tra i ligjshëm është ai që ndan kufijtë, por jo një rrugë nacionale. Çdo qytetar i Divjakës, dhe çdo turist e ka të drejtë që do të shkojë drejt plazhit. Mënyra e vendosjes së traut është simbol i arrogancës, i mungesës së lirisë. Qëllimi i vetëm i kësaj qeverie është punësimi i disa patronazhistëve. Bizneset paguajnë taksa, por do të preken nga vendosja e këtij trau.”, tha demokrati.
Ndërkohë, një prej banorëve tha për mediat se “Edhe ajrin që na ka dhënë i madhi Zot, po na e japin me lekë!”. Kujtojmë se dje në protestë pati përplasje mes banorëve të zonës dhe policisë.
Discussion about this post