Trafikantët në Ballkanin Perëndimor dhe veçanërisht nga Shqipëria po përdorin gjithnjë e më tepër Emiratet e Bashkuara Arabe si vend të sigurt për t’u fshehur dhe depozituar paratë e tyre nga ligji, zbuloi sipas një analizë të re Iniciativa Globale kundër Krimit të Organizuar Transnacional (GI-TOC).
“Aftësia e tyre për të qëndruar në vend duket se lehtësohet duke blerë pasuri të paluajtshme dhe duke investuar në ekonominë lokale,” tha GI-TOC.
“Vendi është tërheqës për botën e kriminale, sepse ka qënë shumë e vështirë të ekstradohen kriminelët e kërkuar nga ky shtet.
Trafikantët ndihen të sigurt dhe shpeshherë ftojnë miqtë dhe familjen që t’u bashkohen atje, teksa shfaqin pasurinë e tyre të paligjshme të pangacmuar.
Personazhet shqiptare të botës kriminale janë të dalluara, por nuk janë të vetmet që kanë gjetur siguri në këtë shtetin. Trafikantë nga Bosnja dhe Hercegovina, si Edin Gaçanin, lideri i kartelit Tito dhe Dino, janë shfaqur në këtë vend. Gaçani është etiketuar si “Eskobari europian” për rolin e tij në shpërndarjen e kokainës përgjatë rrugës ballkanike dhe në tregjet fitimprurëse të Europës Perëndimore.
“Vendimi i bosëve të krimit ballkanik për t’u zhvendosur në Emiratet e Bashkuara Arabe është pjesë e një tentative më të gjerë,” tha GI-toc.
“Lëvizja në tregje të largëta për të pastruar të ardhurat e krimit tregon sofistikimin e shtuar të kriminelëve ballkanikë dhe është një tregues se sa elastik dhe të orientuara drejt biznesit janë bërë organizatat kriminale.”
“Agjensitë e zbatimit të ligjit duhet të bashkëpunojnë me Emiratet e Bashkuara Arabe për të zgjidhur këtë problem, duke përfshirë një qasje holistike në terma afatgjatë. Për më tepër, duhet bërë më shumë për të trajtuar rreziqet e integrimit të të ardhurave nga krimi i pastruar jashtë shtetit në ekonominë politike të Ballkanit Perëndimor,” sugjeroi GI-TOC.
Discussion about this post