Duel i ashpër në merkato për firmën me Tierney

Aston Villa është futur në gare për mbrojtësin e Arsenalit, Kieran Tierney.

Futbollisti i kombëtares skoceze raportohet se do të largohet nga “Topçinjtë”, pasi humbi vendin në formacionin bazë të skuadrës së Mikel Artetës, në favor të Oleksandr Zinchenko.

Newcastle United është një tjetër klub që prej kohësh është duke e monitoruar Tierney, por sipas mediave britanike, tashmë për lojtarin është futur në gare edhe Aston Villa.

Marrëveshja e Tierney me Arsenalin është deri në vitin 2026, por thuhet se lojtari gjatë kësaj verë, do të bëhet me klub të ri, dhe e ardhmja e tij duket se do të jetë sërish Premier League.