Duelet e fundit të javës, Superiorja zbarkon në Laç dhe Ballsh

Superiorja mbyll sot javën e parë me dy përballje që ndryshe nga ditët e tjera do të luhen në të njëjtën orë, 17:00.

Laçi, që zakonisht vitet e fundit e ka mbyllur kampionatin kundër Teutës, këtë herë e nis ndaj tyre. Një duel që pritet të jetë i luftuar dhe të dyja skuadrat duan tre pikët.

Takimi tjetër luhet në “Adush Muçaj” të qytetit të Ballshit, pas rikthimit të Bylisit në Superiore. Skuadra e Bellait pret Kastriotin dhe në shtëpi do tentojë maksimumin e pikëve.

Një ditë më parë Erzeni mposhti Vllazninë 1-0, kurse Partizani përmbysi Egnatian me shifrat 2-1 në “Elbasan Arena”. Kampionati ishte hapur me Kukësi-Tirana, që përfundoi 1-1.