Shqipëria U21 luan në fund të muajit ndaj Çekisë dhe Anglisë, konkretisht më 25 dhe 29 mars. FSHF ka publikuar sot listën e futbollistëve të ftuar nga trajneri Alban Bushi.
Një pjesë e mirë e lojtarëve, 11 futbollistë, luajnë në Abissnet Superiore. Ka edhe rikthime të rëndësishme, si ai i Indrit Tucit për sulmin.
Shtatlarti është rikuperuar dhe ka nisur të aktivizohet në Kroaci me Lokomotiva Zagreb, madje javën e shkuar shënoi edhe gol.
Nuk mungojnë as emrat e ri në listë. Mesfushori Kleviz Bebeziqi, i cili aktivizohet te Olimpija Ljubjana, dhe qendërmbrojtësi Lorik Konjuhi, pjesë e BK Olympic në Suedi, janë dy nga emrat që bien në sy në listën e Bushit.
Discussion about this post