Duelet për sot: Kukësi-Tirana, Dinamo e “dënuar” dhe 7 sfida në Kategorinë e Parë

Finale dhe duele me llogari, Superiore dhe e Para vijnë me 9 ndeshje sot

Koha për kampionat, pas ndeshjeve të Kupës së Shqipërisë. Në Superiore në program për ditën e sotme janë vetëm dy ndeshje, shumë të forta dhe interesante. Kukësi i vendit të tretë përballet me Tiranën kryesuese në “Egnatia Arena”.

Verilindorët duan tre pikët, për të siguruar sa më parë një vend në kupat e Europës. Tirana nga krahu tjetër synon të mbyllë llogaritë për titullin kampion. Ky duel zhvillohet prej orës 13:45, ndërsa në 16:45 ka një betejë për mbijetesën.

Dinamo e vendit të parafundit pret në Elbasan Egnatian. Blutë kanë 4 pikë më pak se rrogozhinasit dhe vetëm tre pikët u bëjnë punë. Sot është një ndeshje jetë a vdekje për ta, ndërsa skuadra e Ramadanit edhe me një barazim mund të pajtohet.

Në Kategorinë e Parë beteja për vendin e parë është në distancë. Bylisi i vendit të parë, pasi ka fituare ndeshjet direkte me Erzenin, ka për detyrë të mundë sot Shkumbinin, ndërsa shijakasit kanë një transfertë të vështirë.

Ekipi i Nevil Dedes përballet me Burrelin, që më parë ka ndalur edhe Korabin e vendit të tretë. Në program për sot janë shtatë ndeshje, që nisin në orën 15:00. Më poshtë të gjitha duelet e javës së 26-të të Kategorisë së Parë.