Në një intervistë për mediat, gazetari Blendi Fevziu ka thënë se Sali Berisha duhet të tërhiqet nga gara në Partinë Demokratike dhe të mbajë aty një rol honorifik. Fevziu tha se Berisha duhet që t’i hapë rrugën ardhjes së një lideri të ri në këtë parti. Ai gjithashtu tha se PD ka nevojë urgjente për hapjen ndaj të rinjve dhe grave, sepse kjo parti është defiçente në këto kategori.
“Unë mendoj se Berisha, duke luajtur një rol honorifik në PD, duhet të hapte një garë duke e tërhequr veten nga kandidimi. Edhe pse është politikan i rëndësishëm, ai e mbylli karrierën e tij me dëshirën e vet në 2013. Bëri një gabim duke anuar garën në drejtim të Bashës. Për arsye dhe të moshës, i bie të garojë në moshën 81 vjeçare. Jo se nuk ndodh. PD me Berishën ka zgjidhje afatshkurtër. Me një kandidat të ri, mund të shihte hapjen e një rruge më të gjerë. Një figurë e re. PD ka nevojë për një person 35-40 vjeç. PD ka qenë e drejtuar nga ata njerëz që në 1990 kanë qenë studentë. Sot janë 52-53 vjeçar. Ka pasur pedagogë që janë sot në moshën e Berishës. Por Berisha ka dështuar me të rinjtë, ka defiçit të madh. Edhe në përfaqësimin e grave ka defiçit të madh. PD nuk ka prodhuar figura të mëdha të rëndësishme. Mbeten ata të viteve 90”- tha Fevziu.
Discussion about this post