Sulmet kibernetike nga Irani nuk kanë mbetur pa u komentuar dhe nga kryetari i Partisë së Lirisë Ilir Meta. Mbrëmjen e sotme ai u shpreh në programin “Top Story” se goditjen e parë ndaj sistemit e bëri kryeministri aktual Edi Rama, pasi publikoi të dhënat e qytetarëve që i shërbyen patronazhistëve.
Pyetje: Qeveria është në një situatë delikate dhe të vështirë për shkak të hakerimit. Ju bëtë një deklaratë se për 2-3 javë do bie qeveria. Keni pasur dijeni për sulmet?
Meta: Nuk ka lidhje me këtë sulmin. Ka gjëra më të rënda se kjo. Sulmin ne e dimë. Sulmin e parë ndaj sistemit, e bëri Edi Rama. Ua dha të dhënat e qytetarëve tanë, patronazhistëve. Prokurorët u morën me gazetarët. Ata nuk u morën me përgjegjësit kryesorë. Unë kam bërë dy mbledhje të Këshillit të Sigurisë Kombëtare, më dhanë garanci të madhe. Kjo situatë është shfrytëzuar nga brenda në shërbim të krimit dhe banditëve. Banka e Shqipërisë nuk pranoi që të bashkohej me sistemet digjitale qeveritare. Rama donte t’i fuste në sistemin e vetë kur e dinte që ishte goditur.
Meta gjithashtu u ndal edhe tek çështja e inceneratorëve duke u shprehur se kryeministri Rama duhet të ishte në burg për këtë aferë.
Meta: Rama sot duhet të ishte në burg për shkak të inceneratorëve. Në Tiranë nuk ka inceneratorë, po të duash le të shkojmë të shohim aty.
Discussion about this post