Sipas ‘Il Corriere dello Sport’, Christian Eriksen u tha shokëve të tij të skuadrës në Inter se ai “kishte qenë me fat”, duke shtuar se do të kthehej në aksion pas “katër ose pesë muajsh”.
Danezi u takua dje me shokët e tij të skuadrës në Inter për herë të parë që nga ataku që pësoi në zemër gjatë ndeshjes së parë të Danimarkës në ‘euro 2020’ më 12 qershor.
Bazuar po medias italiane, Eriksen i mbajti lotët kur pa shokët e tij të skuadrës dhe u tha atyre se “kishte qenë me fat”.
Mjekët i shpëtuan jetën në fushë para se ta çonin në spital. 29-vjeçari iu nënshtrua një operacioni për të implantuar një defibrilator të zemrës disa ditë më vonë, por ai nuk do të lejohet të luajë përsëri në Serie A nëse pajisja nuk hiqet.
“Ai tani do të ndjekë programin e rimëkëmbjes të paraqitur nga mjekët danezë në Kopenhagen, të cilët gjithashtu do të koordinojnë ndjekjen klinike. Stafi mjekësor i Interit natyrisht do të mbahet i informuar dhe i përditësuar gjatë gjithë procesit.”- tha Inter në një deklaratë zyrtare gjatë ditës së djeshme.
29-vjeçari tani do të rikthehet në Danimarkë për një pushim të shkurtër./Gijotina.com
