Kryetarja e LSI-së, Monika Kryemadhi në një deklaratë për mediat është rikthyer sërish tek afera e inceneratorëve. Kryemadhi tha se çdo ditë shqiptarëve u merren 80 mijë euro dhe u jepen Klodian Zotos.
“Sot jam në një komunikim duke pasur parasysh situatën me të cilën gjendet jo vetëm ekonomia por edhe buxhetet e shqiptarëve këmbëngul përsëri për të ndaluar sa më parë kontratën e inceneratorit të Tiranës dhe pagesat që kryhen. Cdo ditë buxheti i shtetit i heq buxhetit të shqiptareve 80 mijë euro në ditë dhe ia kalon Klodian Zotos”-tha Kryemadhi.
Kryemadhi thotë se Rama duhet të tregojë se ku janë investuar 128 milionë euro të dhëna për inceneratorin e Tiranës.
“Pse keni frikë nga transparenca. Pse nuk i tregoni qytetarëve shqiptarë investimet në inceneratorin e Tiranës. Pse ka frikë Rama të tregojnë transparencën. Qytetarët e Shqipëriosë paguajnë për investimin 128 mln euro, 29 euro për ton mbetje. Nëse ky konçension do ishte i ndershëm, Rama dhe inceneratortët nuk do ekishin problem të bënin transparencë. Ku janë 128 mln euro. Transparencë po kërkojmë.
Ajo që dua të theksoj, që është përsëri për të kujtuar që në çështjen e skemës së evazioni fiskal, ka të paktën 4 nene që janë shkelur. Përfshihet Klodian Zoto dhe e gjithë skema mashtruese fiktive. Ulin pensionet, ulin shërbimet në spitalet e shqiptarëve, ulin shërbimet në arsim” – tha Kryemadhi.
Discussion about this post