Ish-kryeministri Sali Berisha ka folur për relatat me ambasadoren e Yuri Kim gjatë një interviste televizive ditën e sotme dhe duket që nuk kanë marrdhënie të mira. Berisha ka deklaruar se ambasadorja e SHBA Yuri Kim duhet t’u kërkojë falje demokratëve për barin që u serviri. Ai theksoi se dera e Partisë Demokratike është e hapur për përfaqësuesit e vendeve mike. “Për këtë çështje unë jam shprehur. Dera e PD është e hapur për përfaqësuesit e vendeve mike. Zonja Kim duhet t’u kërkojë ndjesë demokratëve për barin që u serviri”,tha Berisha.
Ai deklaroi se i fton të gjithë demokratët që kanë investimin e tyre në PD të vazhdojnë të qëndrojnë në selinë blu. “Parrulla për hapjen e partisë ishte për një përpjekje të fuqishme gjatë muajve të ardhshëm që kjo parti të vendosë bashkëpunim me elitën më të mirë brenda dhe jashtë vendit. Të gjithë demokratët që kanë investimin e tyre në PD i ftoj të qëndrojnë në PD për të investuar më tej në parti”, tha ai.
Discussion about this post