Kryetari i Partisë Republikane, Fatmir Mediu, së bashku me kryetarin e Partisë Agrare Ambientaliste, Agron Duka, kanë zhvilluar një takim pune me këshilltarët dhe kandidatit e opozitës për Kamzën, Arjan Hoxha.
Gjatë takimit Mediu theksoi se është e domosdoshme që çdo votë për këshilltarë të jetë dhe votë për kandidatin Arjan Hoxha.
Kryetari i PR-së shtoi më tej se pavarësisht presionit të qeverisë duhet të luftojmë që çdo qytetarë të votojë dhe të mbrojë votën, pasi sot është në pikëpyetje e ardhmja e vendit dhe pluralizmit politik.
Ndërsa Agron Duka theksoi gjatë takimit se Arjan Hoxha nuk është vetëm kandidat i koalicionit ‘Bashkë Fitojmë’ por i gjithë opozitës dhe se nuk duhet të lejojmë që ky vend të shkatërrohet dhe të kontrollohet nga një njeri i vetëm, duke shtuar se ky pushtet po shkatërron Shqipërinë.
Në takim foli dhe kandidati i koalicionit ‘Bashkë Fitojmë’, Arjan Hoxha i cili u shpreh se ‘Kamza është e fituar por kërkohet nga të gjithë të punojmë së bashku dhe të jemi një ekip sot dhe nesër.’
Discussion about this post