Presidenti i Federatës Shqiptare të Futbollit, Armand Duka shpreh optimizmin se Europiani i vitit 2024 është objektiv për kombëtaren shqiptare.
“Nuk ka një kualifikim të kombëtares as nga Duka dhe as nga De Biazi. Nuk besoj se jemi më dobët. Pavarësisht se po t’i hyjmë analizave do të jetë shumë e gjatë. Në atë Europian para kualifikimit dukej një short shumë i vështirë. Ne nuk jemi më dobët. Jemi jashtë këtij Europiani. Botërori në përgjithësi do të jetë i vështirë për Shqipërinë dhe vendet si Shqipëria. Për Europianin duhet të bëjmë të pamundurën, është objektiv i paarritshëm. 2016 mund ta përsërisim prap. Kemi disa futbollistë ne nivele shumë të larta sot, që Shqipëria nuk i ka pasur kurrë. Kemi padyshim mangësitë tona. Kemi disa të rinj me të ardhme. I kemi të gjitha mundësitë për ta arritur. 2024 mbetet objektiv,” tha ai.
I pyetur nëse ka ardhur momenti për një trajner shqiptar, Duka nuk e përjashton. Kreu i FSHF thekson se ka disa emra që i mendon.
“Kemi besuar që kanë një eksperiencë më shumë. Duhet të jemi koshiencës jemi këtu ku jemi, sepse jemi këta që jemi. Shqipëria është këtu sepse ne kaq punojmë. Kam beusar që ata nga futbolli evropian do na ndihmojnë më shumë. Kam bërë përpjekje që të kishim një trajner shqiptar i edukuar në shkollat evropiane, nuk kemi arritur. Mendoj se ka ardhur koha ë të kemi një trajner shqiptar. Kam disa që i mendoj, nuk dua të them emra. I respektoj dhe i velërësoj, kam besimin se mund ta bëjnë,” u shpreh Duka.
