Deputeti Agron Duka, kryetar i PAA, përmes një postimi në rrjetet sociale, thekson se vendit i duhet opozita reale, duke shtuar se partitë e vogla duhet të marrin më shumë rol e përgjegjësi.
“Nisja e sesionit të ri parlamentar është një ngjarje politike, jo thjeshtë kalendarike, që ndan njërën etapë nga tjetra, por një ngjarje që shënon edhe zhvillime dhe qasje të reja politike. Këtë vit, sesioni i ri vjen me qartësime edhe më të mëdha të pozicionimit të palëve, mazhorancë – opozitë.
Mazhoranca vjen më e ngarkuar me historitë e skandaleve, pasi kaloi një verë të nxehtë, më arresitme e procese të reja të hapura nga SPAK.
Ndërsa opozita thellon edhe më tej përçarjen, pasi PD-ja zyrtarizoi ndarjen në 2 apo 3 pjesë, duke e bërë edhe më të vështirë përmbushjen e misionit të saj plotik”, shprehet Duka.
Kreu i PAA thekson se abuzimit më ligjin, me paratë e taksave të shqiptarëve dhe abuzimit me pasuritë publike të Shqipërisë, u duhet vënë fre.
“U duhet vënë fre jo me daklarata nëpër konferenca shtypi, por me veprime konkrete në parlament dhe jashtë tij. Me nisma që synojnë shfuqizime praktikash ligjore që janë ngritur e përdorur nga mazhoranca për të legjitimuar grabitjen e pronës publike.
PAA do të kërkojnë, në vijim të këtij sesioni, bashkëpunimin e çdo partie dhe deputeti, për të dhënë kontributin në këtë drejtim”, shprehet Duka.
Discussion about this post