Trajneri Shpëtim Duro ka kritikuar lojtarët e Dinamos për paraqitjet e zhvilluara në tetë javët e para të kampionatit. Ai ka theksuar se futbollistët mendojnë se po luajnë akoma me Apoloninë.
“Dinamo zhvilloi ndeshje të mira, por oshilacionet duhet të eliminohen, shoh një skuadër që duhet të jetë më e disiplinuar taktikisht, lojtarët duhet ta ndjejnë. Janë marrë me emër nga skuadrat e tyre, ata që kanë luajtur te Apolonia mendojnë akoma që janë ende pjesë e Apolonisë.
Kanë veshur fanellën e një skuadre legjendare, duhet ta kuptojnë objektivat, investimet që ka bërë presidenti, është një nga skuadrat më korrekte nga të gjithë elementët. Duhet ta kuptojnë që të mos luajnë në mënyrë të shthurur, të ulen me këmbë në tokë. Dinamo i ka lojtarët, por duhet të dinë mirë e ta shohin se çfarë klubi përfaqësojnë”, tha Duro.
Discussion about this post