Një aksident ka ndodhur në orët e para të mbrëmjes në rrugën Durrës-Tiranë, ku një automjet ka përplasur një këmbësore që po kalonte rrugën.
Kjo e fundit, e cila është ende e paidentifikuar nga policia, është dërguar me urgjencë në spital dhe ndodhet nën kujdesin e mjekëve, ndërsa shoferi 20-vjeçar me inicialet I.S. është arrestuar nga policia dhe ndodhet në ambientet e komisariatit për veprime të mëtejshme.
Grupi hetimor ndodhet në vendngjarje dhe po punon për zbardhjen e rrethanave të aksidentit.
