Një sherr i rëndë ka ndodhur mes kunetërve në Durrës, ku njëri prej tyre është shpallur në kërkim, ndërsa tjetri ka përfunduar në spital.
Sipas njoftimit të policisë, ngjarja ndodhi rreth orës 12:00, në lagjen nr.15 Durrës, ku F. H., gjatë një konflikti për motive të dobëta, ka goditur me thikë, kunatin e tij, S. T., i cili ndodhet nën kujdesin e mjekëve. Autori i ngjarjes është shpallur në kërkim.
“Rreth orës 12:00, në lagjen nr.15 Durrës, shtetasi F. H., gjatë një konflikti për motive të dobëta, ka goditur me mjet prerës (thikë), kunatin e tij, shtetasin S. T., i cili ndodhet nën kujdesin e mjekëve. Vijon puna për kapjen e shtetasit F. H. Grupi hetimor po punon për zbardhjen e rrethanave të ngjarjes”, njofton policia.
Discussion about this post