Ministri i Financave, Arben Ahmetaj, gjatë një takimi në Durrës ka prezantuar projektbuxhetin dhe paketën fiskale 2018. Ahmetaj deklaroi se në vitin e ardhshëm do të rriten fondet për bashkitë dhe investimet publike.
860 milion dollarë është shuma e parashikuar ne buxhetin e vitin 2018 për investime publike. Sipas ministrit te Financave, të ardhurat që bashkitë e vendit do të pëerfitojnë vitin e ardhshëm nga buxheti i shtetit do të rriten me 31 milionë dollarë në raport me këtë vit.
Detaje nga projektbuxheti dhe paketa fiskale e vitit 2018 u dhanë nga ministri i Financave Arben Ahmetaj, gjatë një bashkëbisedimi me grupet e interesit në qytetin e Durrësit.
Disa nga investimet më të rëndësishme gjatë 2018 do te jene perfundimi i bypassit te Fierit dhe Tepelenës, si dhe projekte të reja në rrugë kombëtare që do të financohen nga skema 1 milIard , në partneritet me privatin.
Edhe pushteti lokal do të ketë më shumë fonde- sqaroi ministri Ahmetaj.
Në Durrës pritet të financohet terminali i ri i pasagjerëve, rikonstruksioni dhe ndërtimi i dy shkollave të reja me vlerë 2 milionë dollarë si dhe godina e re e universitetit në Spitallë me vlerë 4.5 milionë dollarë.
https://www.youtube.com/watch?v=kN_h5Kx4SCk
