Dvorani në Kushtetuese? Bardhi: E papranueshme

Deputeti i PD, Gazment Bardhi, e ka cilësuar të papranueshme kandidaturën e Ardian Dvoranit për të qenë anëtar i Gjykatës Kushtetuese.

Me anë të një reagimi në Twitter, Bardhi shkruan se Gjykata Kushtetuese nuk mund të jetë kurrë seksion i Partisë Socialiste.

“Gjykata Kushtetuese nuk mund të jetë kurrë seksion i Partisë Socialiste. Kandidatura e Ardian Dvoranit është e papranueshme për çdo opozitar! Meritokracia dhe jo preferencat politike janë baza e pavarësisë së Gjykatës Kushtetuese”, shkruan ai.

Emri i Dvoranit është në listën e kandidatëve që Këshilli i Emërimeve në Drejtësi ka dërguar në Kuvend. Pas miratimit në komisionin e ligjeve me votat e socialistëve të tre emrave, nesër do të votohen në seancë plenare për një vend vakant në Gjykatën Kushtetuese. Përveç Dvoranit, emrat e tjerë janë Marjana Semini dhe Arta Vorpsi.