Dy aksidente në Pogradec, makina përplas 60-vjeçaren në vijat e bardha

Një aksident është regjistruar paraditen e sotme në aksin rrugor Pogradec-Lin pranë fshatit Udënisht.

Burime bëjnë me dije se një makinë ka përplasur një grua në vijat e bardha.

Mësohet se këmbësorja është një grua rreth 60 vjeç, e cila është transportuar në spitalin e Pogradecit me plagë të shumta në trup dhe ende nuk dihet gjendja e saj.

60-vjeçarja ka qenë duke kaluar nga një krah i rrugës në tjetrin kur mjeti e ka përplasur.

Policia mbrriti në vendngjarje, ndërkohë që pak metra më tutje janë pëplasur dy mjete të tjera, por pa të lënduar.

Dyshohet se të dyja aksidentet janë shkaktuar për shkak të shpejtësisë dhe lagështirës.