Kjo javë do të jetë shumë e ngjeshur për skuadrat shqiptare me rikthimin e ndeshjeve për Kupën e Shqipërisë.
Të mërkurën do të zhvillohen ndeshjet për fazën e 1/8-va të Kupës. Takimet e 3 nëntorit janë lënë në dy orare të ndryshme, shtatë takime janë planifikuar të luhen në orën 14:00, ndërsa pjesa tjetër në orën 16:45. Sfida më interesante dhe që pritet të ketë shumë interes është derbi Dinamo-Tirana, e cila do të zhvillohen në orën 16:45 në stadiumin ‘Air Albania’.
Për grupin A do të ndeshen edhe Besëlidhja-Partizani, Bylis-Skënderbeu dhe Korabi-Teuta. Ndërsa te grupi B kemi sfidat Vllaznia-Pogradeci, Egnatia-Kukësi, Kastrioti-Flamurtari dhe Tomori-Laçi. Takimet e kthimit do të zhvillohen në datën 17 nëntor.
Ndeshjet e Kupës së Shqipërisë:
Ndërsa fundjavë do të sjellë takimet e javës së tetë të Superligës, e cila rezervon ndeshjen e dytë brenda tre ditëve midis skuadrës së Tiranës dhe asaj të Dinamos.
Të shtunën do të luhen dy ndeshje, Skënderbeu dhe Kukësi do të zbresin të parët në fushën e blertë në stadiumin e Korçës në orën 16:45.
Ndërsa në mbrëmje do të zhvillohet derbi i dytë i javës dhe po ashtu i dyti mes Dinamos dhe Tiranës, e cila do të zhvillohet në “Air Albania”, ora 19:45.
E diela për Superligën nis në orën 13:45 me ndeshjen mes Partizanit dhe Kastriotit, takim nga i cili ‘Demat’ duhet të marrin tre pikët për të mos rrezikuar rënien në vendin e 9 ndërsa kundërshtarëve të tyre i duhet që të ngrihen.
Në po të njëjtën orë do të luhet edhe përballja mes Laçit dhe Teutës, ndeshje e cila pritet të jetë shumë e luftuar si nga kurbinasit ashtu edhe nga durrsakët.
Teksa takimi i fundit për raundin e tetë është ai midis Egnatias dhe Vllaznisë që do të zhvillohet të hënën në orën 13:45.
Ndeshje shumë interesante duket kjo mes të rinjve në Superligës dhe klubit me shumë traditë në këtë kampionat.
Ndeshjet e javës së 8 të Superligës:/K.T/Gijotina.com
